Heimsmeistaramót fatlaðra ungmenna í frjálsum íþróttum stendur nú yfir í Nottwil í Sviss þar sem Ísland teflir fram fjórum keppendum. Í gær var fyrsti keppnisdagur þar sem Eikar-maðurinn Fannar Logi Jóhannesson landaði bronsi í langstökki þroskahamlaðra keppenda (F20). Fannar bætti sinn besta persónulega árangur þegar hann stökk 4,91 meter.
Þá bættu Bergrún Ósk Aðalsteinsdóttir og Erlingur Ísar Viðarsson sinn besta árangur í 200m hlaupi en bæði keppa þau í flokkum hreyfihamlaðra (T37).
Árangur íslensku keppendanna á fyrsta keppnisdegi í Sviss:
Fannar Logi Jóhannesson - langstökk F20 - 4,91m
Bergrún Ósk Aðalsteinsdóttir - 200m hlaup T37 - 4. sæti - tími: 33,17 sek.
Helena Ósk Hilmarsdóttir - 200m hlaup T38 - 13. sæti - tími: 38,20 sek.
Erlingur Ísar Viðarsson - 200m hlaup T37 - 12. sæti - tími 31,46 sek.
Hægt er að sjá mótið í beinni útsendingu á netinu hér.
Mynd/ Egill Þór - Fannar Logi lengst til vinstri með bronsverðlaunin sín.
