Heimsmeistaramót fatlaðra í skíðaíþróttum fer fram í Lillehammer í Noregi dagana 7.-20. febrúar næstkomandi. Að svo búnu er mótið enn á dagskrá bæði IPC og mótshaldara í Noregi og mun endanleg ákvörðun um hvort af mótinu verði eða ekki liggja fyrir að minnsta kosti 30 dögum fyrir mót.
Hilmar Snær Örvarsson sigurvegari Evrópumótaraðar IPC í alpagreinum í fyrra stefnir ótrauður á HM í Lillehammer en hann hefur fyrir komandi keppnistímabil lagt áherslu á heimsmeistaramótaröð IPC sem og sjálft heimsmeistaramótið í Noregi.
Í fyrsta sinn í sögu IPC mun HM fara fram á einum og sama staðnum þar sem allar keppnisgreinarnar koma saman en þær eru alpagreinar, norrænar greinar og snjóbrettakeppnin. Þá er Lillehammer alls ekki ókunnugt stórmótum þar sem Vetrarleikarnir 1994 fóru þar fram sem og vetrarleikar Ólympíuæskunnar 2016 ásamt þónokkrum X-leikum og heimsmeistaramótum FIS.
