Evrópumeistaramót fatlaðra í sundi fer fram dagana 1.-7. maí næstkomandi í Funchal í Portúgal og nú hefur Alþjóðaólympíuhreyfing fatlaðra (IPC) greint frá því að mótið verði allt sýnt í beinni á netinu en útsendingarnar verður hægt að nálgast á funchal2016.com
Hér er hægt að nálgast keppnisdagskrá mótsins en undanrásir hefjast kl. 09:00 alla morgna að staðartíma og úrslit kl. 17:00.
EM í sundi er síðasta stórmót sundmanna fyrir Ólympíumót fatlaðra sem fram fer í Rio de Janeiro í Brasilíu í september en það mót verður það fyrsta í sögunni sem fram fer í Suður-Ameríku.
Keppendur Íslands á EM verða kynntir innan tíðar.
